قالولي : بتكتب عن الوطن أشعار
وبتنادي بقدس شرقية و غربية
فكرك حتضل عايش لتغني للعودة أغنية
حتضل لتشوف القدس من غير جدار فصل
وصهيوني متخبي في البرية؟؟
والمفتاح إلي سايبو جدك رح يفتح بيتكم في الصيفية؟؟
حترجع تلقط زيتون من حوش البيت وقت العصرية؟؟
تذكرت كلام الختيار وأول طلقة في الثورة الشعبية
تذكرت شعار الإنتصار والفرحة
لما شال غصن الزيتون ومعاها البندقية
صحيت من حلم الثورة
ولقيت شعبي نايم في أحلامه الوردية
كبيرك يا بلد مخدوع و صغيرك بضرب سلام بعد التحية
وضعك يا بلد تعبان و الأحلام متعبة النفسية
انحرق غصن الزيتون و البنادق صارت مزهرية
مفتاح الوطن مكسور و إخوانا حواسيبهم مطفية
كتبت للوطن أشعار و لأول مرة بالعامية
كتبت شعبي شعب جبار ما بتهزو رياح عادية
كتبت تاريح الإنتصار و كل الحروف المنسية
كتبت حيفا و يافا و عكا و عسقلان
وكل الأسماء ع الخارطة ممحية
كتبت كتير و تذكرت كتير
و البلد شال هم القضية
