النكسة نكستنا

 النكسة نكستنا
الشغلة مش اسماء ولا تذكير باحداث مش مشرفة

وهادا لا يمنع انو احنا نذكر حالنا بتاريخنا .. وشو صار فينا ومعنا من ظلم وقهر ..

مش  عشان انكد على حالنا بالعكس هالتاريخ وكل تاريخ بقضيتنا فخر النا ووسام بنحطوا على صدورنا ..

 تعرف ليه  ؟؟؟ لأنو باختصار احنااا اهل الرباط ورباطنا الى يوم الدين .

 ((لا تزال طائفة من أمتي على الدين ظاهرين،لعدوهم قاهرين لايضرهم من خالفهم،ولاماأصابهم من البلاء حتى يأتيهم أمر الله
وهم كذلك،قالوا يا رسول الله وأين هم؟ قال في بيت المقدس،و أكناف بيت المقدس ))

وكمان  عشان كل ما نتزكر انو صارلنا اكتر من ٦٥ سنة تحت احتلال ومش عارفين نتوحد 

والعدو الي ما في اي رابط بينهم اجتمعوا على اشي واحد انو  يكون الهم وطن
احنا النا وطن بس مسلوب يعني بالاسم بس
بنزكر العرب والعالم كلو انهم لسا متخليين عن قضية فلسطين والاقصى الي مش بس احنا مطالبين بحمايتو
بنزكر حالنا بانا ما بنطبق الاسلام وكلام رسولنا صح انو نكون اخوة
بنتزكر عشان نتحسر على حالنا ونعرف احنا في ايش غلطنا؟؟
النكبة ولا النكسة مش عيد

 هدول تواريخ وما اتسموا هبل لانو راح فيهم شهداء وفلسطينيين من بلادنا ( يعني ما كانوا يلعبو)

 وبنأكد انو احنا لسا صامدين متمسكين بأرضنا حتى لو كان جزء صغير

انت بتشاؤمك بتتخلى عن أرضك

ملاحظة :انا ضد انا نغلط على حالنا او عالعرب كلهم  
مش ناقصنا تشويه للعروبة اكتر ما هي مشوهة من غيرنا

 وشكرا

 أميرة عميد عنان